Расима Темербаева
Қоғам • 18 Мамыр, 2021
Шағын асханада жұмыс қауырт. Мұнда тамақтануға келетіндердің дені қарттар. Қайырымдылық мақсатта үлестірілетін тағамдар тек мұқтаж жандарға ғана арналғанына қарамастан, зейнет жасындағы тұрғындар үшін Расима Темербаева ашқан асханадағы дәмді тағамнан ауыз тию дәстүрге айналған. Осылайша, күнделікті Алматы қаласындағы Айманов және Шашкин көшелеріндегі дүңгіршектер маңы түскі мезгілде абыр-сабыр. Мұнда демалыстан тыс күнделікті 150-дей адам тегін тамақтана алады. Байқағанымыз, асханаға зейнеткерлер тамақтану үшін ғана келмейді. Бір-бірін сағына көріскен, әңгіме айтуға бейіл жандардың жүзінен жылылықтың нышаны байқалады.
