Рахымжан Қошқарбаев – 100
Тұлға • 19 Қазан, 2024
Намысқа баспасақ, алысқа бармаймыз!
2025 жылы фашизмге қарсы соғыстың аяқталғанына 80 жыл болады. Қазақ халқының батыр ұлы Рахымжан Қошқарбаев пен оның қандыкөйлек қаруласы Григорий Болатов екеуі оқ пен от кешіп, 1945 жылы сәуір айының аяғында қаһармандықпен Рейхстагқа Жеңіс туын тікті. Екінші дүниежүзілік соғыстың аяқталғанына талай уақыт өтсе де, ақиқаты бүгінге дейін толық ашылған жоқ. Мысалы, осы екі тұлғаға да «Кеңес Одағының батыры» атағын бермеу себебі әлі күнге белгісіз.
