Синофобия
Қоғам • 20 Ақпан, 2022
Синофобиялық көзқарастардың әсері мен салдары
Синофобия –антиқытайлық көңіл күйді білдіретін термин. Яғни бұл – Қытайға қатысты барлық нәрсеге үреймен, күдікпен қарау түсініктерінің жиынтық ұғымы. Қытайға бұндай көзқараспен қарау қоғамда шиеленістердің туындауына, діни және ұлттық тұрғыдан бөлшектеуге әкелетін жағымсыз жайттардың пайда болуына себеп болады. Синофобия қазір жаһандық трендке айналуда. Дегенмен бұл үрдіс – Қытайға географиялық тұрғыда жақын орналасқан елдер мен Қытайдың инвестициялық белсенділігі кеңінен тараған елдерге тән құбылыс болып отыр. Әсіресе бұл Қытаймен шекаралас жатқан Шығыс, Орталық және Оңтүстік Азия елдерінде жиі кездеседі. Сондай-ақ синофобия үрдісі Батыс әлемінің кейбір елдерінде де, яғни Аустралия мен Канадада, Ресей мен Түркияда көрініс береді.
