Шәмші ауылы
Аймақтар • 08 Маусым, 2020
Шәмші ауылы жылдан жылға көркейіп келеді
Берекесі мен бірлігі жарасқан Шәмші ауылында болып па едіңіз? Оның еселі еңбекке жұмған жұдырықтай жұмылған еңбекқор тұрғындарын көріп пе едіңіз? Оған аяқ басқан адамдардың бірі ретінде айтарымыз – мұнда бірлік пен тату тәтті тірлік және бұл топырақты мекен еткендердің бір-біріне деген құрметі мен сыйластығы бар. Өзара ынтымақ қалыптасқан жерде ырыс та, табыс та мол болмақ. Шәмші ауылы міне, осындай табысы тасыған рухы жоғары, еңсесі биік ауылдардың қатарынан ойып тұрып орын алады десек шындықтан алшақ кетпейміз.
