медиакеңістік
Оқиға • 28 Маусым, 2020
Медиакеңістік: мүмкіндік пен бар шындық
Медиа саласы жылдан жылға түрленіп, технологияның дамуымен бұрынғы шеңберінен шығып, тұтынушыға жаңа формалар мен форматта ақпарат ұсынып келеді. Қазір хабар таратудың алуан түрлі жолы мен тәсілі бар. Қоғамда дәстүрлі БАҚ жаңа медианың көлеңкесінде қалып қойды деген пікір де айтылып қалады. Десе де жаһандағы соңғы оқиғалар аудиторияның сенімді ақпарат көзіне деген сұранысы әлі де жоғары екенін айқын көрсетті. Әсіресе әлеуметтік желі мен Интернет порталдардағы қаптаған күмәнді хабарлардың қасында сапалы дүние ұсынған дәстүрлі БАҚ-тың дараланып тұратыны сөзсіз.
