Қажығұмар Шабданұлы
Әдебиет • 08 Сәуір, 2021
Қажығұмар: Ол кім, қандай адам?
Қажығұмар Шабданұлының 6 томдық «Қылмыс» романы елімізде басылғаннан кейін ол да біздің әдебиетіміздің бір биігі деп айта бастадық. «Әттең-ай, тағы бір ұмтылсақ, бұл жазушының әлемдік әдебиеттегі орнын да бекітіп алар ма едік» деген өкініш ішімізде жатқанын несіне жасырамыз? «Ақсақалдың қолына су құйғам, шапанын көтеріп жүргем» дейтін Алмас Ахметбекұлымен осы жөнінде біраз ой бөліскен едік. Кездесуімізге жазушының қазір Алматыда тұратын қызы Жайнар Қажығұмарқызы да келді. Мен алдымен қырық жыл өмірі қапаста өткен қаламгердің түр-сипаты мен жүріс-тұрысы қандай болғанын сұрадым.
