үрейлі кезең
Тарих • 15 Қыркүйек, 2021
Қызыл империя сөзге де қарауыл қойды. «Екі елі ауызға, төрт елі қақпақ», қате сөйлегендер түрмеден орын таппақ. Түн жамылып қара машина мінген қызыл жағалылар аудан, ауылдарды кезіп адамдарды жинады. Сталиннің дінсіздер 5 жылдығына байланысты қызыл жағаға кездескен адам «а» десе «Алла дейін деп тұрсың ғой» деп, қолына кісен салатын. Төсекке жатқанда ерлі-зайыптылар қателіктеріне кешірім сұрасып бақиласып жатты. Халық үрейге тұншығып зар шекті, дала қасіретке толды. Талайлардың көкірегі қарыс айырылып, ажалды қызыл жағалылардан күтіп зар илеумен «кеткен келмейді өлген тірілмейді» деп, дұғасын іштей оқып күңіренді...
