Әлихан Ыдырышева
Өнер • 23 Ақпан, 2021
Кеңестік идеологияның кеудесіне шоқ басқандай «Әлихан» деп атапты ата-анасы. Ойын баласының сары сотанақтарды тәртіпке салуының мәні осында жатқандай. Алаш көсемінің есімін атау сол тұста империяның ережесіне қайшы келетін. Әйтсе де осы есімде ерекше құт бар дескен. Жаңылыспапты. Бүгінде театр өз алдына, қазақ киносында әженің образын көркем сомдап жүрген кербез кейіпкердің бірегейі. Тіпті ел арасында «Тракторшының апасы» да атанып кетті. Осы орайда Қазақстанның еңбек сіңірген қайраткері Әлихан Ыдырышеваның жансарайына үңіліп көрген едік.
