Аймақтар • 22 Қазан, 2024
Маман даярлау мәселесін талқылады
Қызылордада орта буын медицина қызметкерлері арасында денсаулық сақтауды жетілдіру, салада халықаралық тәжірибені ұштастыруды көздеген ғылыми конференция өтті. Конференция жұмысына облыс әкімінің бірінші орынбасары Данияр Жаналинов сәттілік тілеп, қатысушыларға алғысын айтты. Іс-шараға арнайы келген Денсаулық сақтау министрлігі Ғылым және адами ресурстар департаментінің директоры Алмагүл Қауышева салада атқарылған жұмыстарға тоқталды.
Тұлға • 22 Қазан, 2024
Биыл туғанына 85 жыл толатын ақын Фариза Оңғарсынова ұлттық руханиятымызда қайталанбас қолтаңбасымен орын алған ерекше шығармашыл тұлға ғой. Фариза апайды поэзия падишасы, өлең-сөздің патшайымы дейтін. Өйткені ол кісі шын мәнінде ұлы ақын болды. Оны барша жұрт ойлы сөздер тұнған лирикасы, өршіл өлеңдері мен поэмалары үшін, титімдей жасандылығы жоқ ерекше болмысы үшін, мейірімді жүрегі, кіршіксіз көңілі үшін қадір тұтты. Барша жұрт үлкен-кішісіне, әлеуметтік тегіне қарамай, әсіресе жастар жағы айрықша қадірледі. Ақын әпкесі маңына үйіріліп жүретін, ақындыққа қол созған қыздар қаншама еді.
Қоғам • 22 Қазан, 2024
Мұқағалидың америкалық оқырманы Сол күні сабаққа кешігіп бардым. Кешіккен мен емес, Вашиңтон метросы еді. Біздің топпен кездесуге келген америкалық журналист сөзін аяқтады да, маған қарай бұрылды. «Сіз өлең жазады екенсіз ғой, Мақатаевты білесіз бе?» деп маған қарай жақындады қартаң әйел. «Білгенде қандай, күллі қазақ ол кісінің өлеңдерін жатқа оқиды», дедім.
Шаруашылық • 22 Қазан, 2024
Мемлекет басшысы Қасым-Жомарт Тоқаев агроөнеркәсіп кешенін одан әрі дамыту мен азық-түлік қауіпсіздігін қамтамасыз ету жұмыстарына басымдық беруді тапсырған еді. Биыл астықты аймағымыздағы егін ору науқаны табысты жүргізілді. Облыс бойынша 909,3 мың гектар алқаптан орташа түсімі гектарына 15 центнерден 1,3 млн тоннадан аса астық жиналды. Бұл – өңірдегі өте жоғары көрсеткіш.
Теннис • 22 Қазан, 2024
«ATP 250 Almaty Open» турнирі аяқталды. Жүлде қоры 1 036 700 долларды құраған дүбірлі додада әлемнің бірқатар белді теннисшісі өнер көрсетті. Жекелеген сайыста жеңімпаз атанған саңлақ 157 695 доллармен қоса, 250 рейтингтік ұпайға ие болса, жұптық бәсекеде бас жүлдені олжалағандарға 54 780 доллар табыс етілді.
