Руханият • 24 Қазан, 2024

Оқитын ұлтқа ортақ мереке

Кітап – ақыл мен білімнің қайнар көзі. Қоғамды осынау асыл қазынаның тереңіне шақыратын кітапханашы дейтін мамандықтың бәсі қашанда биік тұруға тиіс. 2022 жылы Мемлекет басшысының бастамасымен 24 қазан Кітапханашы күні ретінде бекітіліп, кітапханалар мен кітапханашылардың қоғам өміріндегі рөлін нығайтуға бағытталған ауқымды жұмыстар атқарылып жатыр. Атаулы мереке аясында Алматыдағы Ұлттық кітапханада Мәдениет және ақпарат министрлігінің қолдауымен «Кітапхана – парасат ордасы» атты салтанатты іс-шара өтіп, саладағы үздік мамандар марапатталды.

Мәдениет • 24 Қазан, 2024

Ұлттық би өнеріне құрмет

Республика күні қарсаңында Ақтауда Қазақстанның еңбек сіңірген әртісі Алмас Бекбосыновтың туғанына 100 жыл толуына арналған ауқымы үлкен, бірнеше іс-шараларды құрайтын халық­аралық би фестивалі өтті. Фестивальға Ал­маты қала­сынан келген Алмас Бекбосы­новтың туыстары Сара және Ақ­марал Бекбосыновалар, Қазақстанның Халық әр­ті­сі Гүлжан Тал­пақова бастаған қазылар алқасы мен қонақтар, сондай-ақ Әзербайжан, Қырғызстан, Түркия, Өзбекстан және Қазақ­стан­н­ың түкпір-түкпірінен 24 өнерпаз қа­тысты. Фестиваль ая­сын­да биші Алмас Бекбо­сы­новтың өмірі мен шы­ғар­машылығынан сыр шерте­тін көрменің ашылуы, оның өмірі мен шығармашылығы туралы деректі фильмнің тұсауке­сері, дөңгелек үс­тел, шеберлік сағаттары және конкурс өтті.

Маман • 24 Қазан, 2024

Мәртебелі мамандық, еселі еңбек

Мектеп ішіндегі аядай ғана бөлме кітапқа құштар балалардан бір сәт те босамайды. Бірі ертегі оқығысы келсе, енді бірін түрлі-түсті суреті бар кітаптар қызықтырады. Оқушылардың қай-қайсысының да көңілін табуға тырысатын кітапханашылардың бір күндік жұмысы кітап үлестірумен бітпейді. Даталы күндер, конференциялар, кездесулер кестесінен бөлек, оқулықтар, әртүрлі мазмұндағы кітаптарды күтіп ұстауға қатысты шаруамен дамыл таппайды. Осындай қарбаласқа толы күндердің бірінде Алматы қаласындағы Б.Атыханұлы атындағы №36 мектеп кітапханасының меңгерушісі Ғайша Садыровамен әңгімелесіп қайтқан едік.

Кітапхана • 24 Қазан, 2024

Электронды қорға енеді

«Қазақ газеттері» ЖШС Алматы фи­лиа­лында Қазақстан­­ Ұлттық элек­трон­ды кітапханасын (ҚазҰЭК) толықты­ру бойынша ынты­мақ­тастық туралы келісімге қол қойылды.

Туризм • 24 Қазан, 2024

Тау курорты – табыс көзі

«Тау ұлымын, тау – менің дәу бесігім» деп ақын Мұқағали Мақа­таев жырлағандай, тау – қазақтың тағзым етіп, еңсе түзер биігі. Әкені асқар тауға балап, «таудай бол!» деп бата беретін елміз. Бүгінде сол тау сакралды ұғым ғана емес, таудай табыс көзіне айналып отыр.