Өнер • 23 Сәуір, 2018
Асанәлі Әшімов: Рухани жаңғырудың кілті төл өнеріміз бен мәдениетімізде
Ақтөбе қаласында Астананың 20 жылдығы құрметіне орай «Ән дарыған далада шынға айналған астанам» атты республикалық ақындар айтысы өтті. Оған қазақ театр өнерінің саңлағы, Халық әртісі Асанәлі Әшімов бастаған қазылар алқасы төрелік жасады. Сөз сайысына халықаралық және республикалық айтыстарда топ жарып жүрген жыр жүйріктері мен айтыс өнеріне таяуда бет бұрған жас дарындар қатысты. Олар тоғыз жұп болып жыр нөсерін төгіп елордамыз Астананың арайлы айшықтары мен еліміздің жетістіктерін кестелеп өрнектей білді. Біз орайы келген сәтінде ұлттық өнеріміздің хас жүйрігіне жолығып, бірер сауал қойған едік.
Қазақстан • 23 Сәуір, 2018
Қасым Қайсенов! Өмірі өзгелерге ұқсамайтын бұл ғажайып адамның аты-жөнін біз алғаш рет 1963 жылы жарық көрген «Ажал аузынан...» кітабынан оқып білдік. Суретімен тұңғыш рет ғалым Е.Бекмахановтың 1965 жылы мектеп оқушыларына арнап жазған «Қазақ ССР тарихы» оқулығынан таныс болдық. Ал өзін... иә, өзін Алматыға абитуриент боп келген 1969 жылы Баспочтамт маңындағы аллеядан көрдік. Сәлем беріп, әңгімелесуіміз республикалық жастар газетіне жұмысқа орналасқан 1974 жылдан басталды. Содан 1998 жылы Астанаға қоныс аударғанымызға дейін ағамызбен ылғи болмаса да редакция тапсырмасымен ара-тұра жүздесіп жүрдік. Соның нәтижесінде екі мақала өмірге келген-тін. Оның біріншісі қаламгер Қасым Қайсенов шығармаларын талдауға арналса, одан кейінгісі аты аңызға айналған аға ерлігінің лайықты бағаланбағандығы туралы ел зиялыларының сол кездегі республика, одақ басшылары Н.Беляев, Н.Хрущев және М.Горбачевке жазған хаттарына шолу еді. Ал төмендегі мақала құрметті оқырман, бұл Қасекеңмен 1974-1998 жылдар аралығындағы әңгімелердің қойын дәптердегі қалған үзік-үзік бөліктері. Халық қаһарманының 100 жылдық мерейтойында бүгінгі ұрпаққа танымдық тұрғыдан керек қой деп ұсынуды жөн көріп отырмыз.
Қазақстан • 23 Сәуір, 2018
Бес әлеуметтік бастама – Қазақстанның жаңа мүмкіндіктері
Президент Нұрсұлтан Назарбаевтың Қазақстан халқына арнаған биылғы Жолдауы елді Төртінші өнеркәсіптік революция жағдайына бейімдей алатын, жан-жақты, прогрессивті және серпінді мемлекет ретінде қалыптасудың негізгі бағыттарын айқындайтын кешенді дамудың маңызды стратегиясы болып табылады.
Қазақстан • 23 Сәуір, 2018
Мүгедектер мүддесін қорғаған «ELAMAN» әлеуметтік инновациялық жобалар қоры
Мына жалғанда қанша адам жер басып жүрсе соншалық тағдыр бар. Біреудің басына денсаулықты зар етсе, енді біреуді перзенттен қинайды, үшінші біреудің талайлы тағдыры басын тауға да, тасқа да ұрғызады. Сырттай бүтін көрінген жанның да арғы жағын қозғап қалсаң, ішінде жатқан жан жарасы, мұң-наласы бар. «Мына жалғанда дүниең тегіс болса, басыңда бір іс болады» дегендей, түгенделген өмірдің де өтеуі бар, Алла берген жақсылық та, бақыт та, байлық та сын, оны да дұрыс көтере алмасаң зары болар тартатын», деп үлкендер бала кезімізден жыр ететін.
Әлем • 23 Сәуір, 2018
Аймақ тыныштығы – әлем тыныштығының кепілі
Бірнеше жылдан бері мүдделер қақтығысы мен қанды соғыстың ошағына айналған Сирия төңірегіндегі текетірестер өткен аптада әлем жұртшылығының назарын айрықша аударғаны белгілі. Бұл мәселе жақында Сауд Арабиясының Дахран қаласында өткен Араб елдері лигасы саммитінің негізгі тақырыптарының бірі ретінде талқыланды. АҚШ пен одақтастарының соққысын Сауд Арабиясы, БАӘ сияқты елдер қолдаса, Алжир, Ливан және Ирак бұл шабуылды құп көрмейтінін білдірді. Сонымен қатар кездесудің күн тәртібіндегі мәселенің тағы бірі – Палестина мәселесі, Йемендегі дағдарыс болды.
