Таным • 29 Шілде, 2020
Өлке тарихындағы біз білмейтін ақтаңдақтардың ақиқаты Ұлы даламызға қадам басқан әр зерттеуші мен саяхатшының еңбектерінен көрініс табады. 1928 жылы Мәскеу қаласында белгілі биолог, академик Борис Келлердің «Орал қаласынан Индер тауына дейін» атты еңбегі жарық көреді. Таралымы – 10000 дананы құраған. Зерттеуші Келлер бұл еңбегінде біздің өлкеміздің тарихына қатысты ауқымды деректерді баяндайды.
Руханият • 29 Шілде, 2020
Кітапқұмарлық Бүгінде кітап оқу азайды. Есесіне көпшілік көк жәшікке телміреді. Ол да емес: қолтелефонға тәуелді. Бұрын қалай еді? Ертеректе ел жаппай кітап оқитын. Кітап жинайтын. Қойшының керзі етігінің қонышында, я қоржынында «Жұлдыз» журналдары жүруші еді, шиыршықталған... «Кезінде біз дүние жимадық, оның орнына кітап жинадық», дейді еліміздегі ең бай кітапхана иелерінің бірі Мырзатай Жолдасбеков. Рас, кезінде кітап жинау бірқатар қазақ жазушыларының хоббиі еді. Қадыр Мыза Әлінің жеке кітапханасы да өте бай болған көрінеді. Мәскеуден шығатын «Книжное обозрение» газеті арқылы жаңа кітаптар тізімін жасап алып,іздеп жүріп, қолына түсіреді екен. Қаламгерлер С.Мұқанов Ә.Нұршайықов, Қ.Мұхамеджанов, Ө.Нұрғалиев, Ә.Нілібаев, Т.Медетбектің жеке кітапханалары да олқы түспеген. Кезінде олар да кітап дүкендерінен, табылмағандарын «Букинист» кітап желісінен, тіпті қара базардан қарап жүріп жинауды машық етіпті. Қадыр ақынның кітап қоры 10 мың, базбіреу одан да көп болған дейді. Анығын білмедік, бірақ ақынның «азартный книголюб» болғанын мына бір өлең жолдары айшықтайтындай: «Ұйқымды талай бұздым да, Ұяңа тыным бергем жоқ. Тап өстіп сұлу қыздың да, Соңына түсіп көргем жоқ». (Қадыр Мырза Әлі).
Қоғам • 29 Шілде, 2020
Жақында әлеуметтік желіде, нақты айтқанда Telegram-да «Qazaqsha jaz» деген топ ашылып, бірнеше күнде жазылушылар санының еселеп артқанын байқадық. Қозғалыстың мақсаты – еліміздегі компанияларды өздері туралы ақпаратты қазақша да таратуға шақыру.
Өнер • 29 Шілде, 2020
Ертеде қылқалам шеберлері талантты адамдарды жасыл түспен әрлесе керек. Ойлы оқырман картинаның бояуына қарап тамсанып, суретшінің шығармасын бағалаған. Ал қазір ше? Біз жасыл түспен тұмса табиғатты ғана байланыстыратын болдық. Ал табиғатынан талантты, ашық-жарқын жандардың бет-бейнесі тұмшаланып қалды. Әйткенмен осы бір түйінді «Қазақстанның 100 жаңа есімі» жобасы тарқатып келе жатқандай. Осыған дейін еңбегіне ел сүйінген қаншама есімдер танылды. Бүгін біз солардың бірі, Нұр-Сұлтан қаласы әкімдігі Жастар театрының актері Нұрбек Әлібек жайында айтпақпыз.
Руханият • 29 Шілде, 2020
Ол да отызды алқымдады. Алқынбады. Талпынғаны – тоғышардың туын құлатып, жемқордың желкенін қию. Алақандай елінің Алатаудай арманын орындап, ұлтының бар болса барын бағамдау, жоқ болса жоғын түгендеу. Тартынғаны... Тартынғаны одан да көп: адамгершіліктен аттамау, ауыз жаласқан сыбайласты жақтамау. Алысқа бармай-ақ жақыннан қайтып отырмыз. Аңыздағы Алпамысты емес, ел басқару ісіне ерте араласқан, бүгінде Сыбайлас жемқорлыққа қарсы іс-қимыл агенттігі Стратегия және жедел басқару департаментінің басшысы Нұрлан Ибрагимұлы Жақсымбетовті айтып отырмыз.
