АСТАНА. 5 маусым. Сирияда лаңкестік шабуылдардан 270 бейбіт тұрғын қаза тапты Бұл туралы rg.ru сайтына сілтеме жасаған egemen.kz тілшісі хабарлады.
Экстремистердің әрекетінен тағы жүздеген адам түрлі деңгейде жарақат алды. Ведомстваның хабарлауынша, Сирияда өткен тәулікте оқ атпау режімі 10 рет бұзылғаны анықталды, олардың сегізі – Алеппо қаласында, екеуі – Дамаскіде.
«Джабхат ан-Нусра» лаңкестік ұйымының содырлары Алеппода реактив жүйесінен және минометпен екі дүркін оқ атты.
Бейбіт бітімге келу жөніндегі орталық, әскери әрекеттерді тоқтату туралы жариялаған Сириядағы үкімет жасағы оппозициялық әскерилендірілген құрылымға соққы жасамағанын мәлімдеді. Ал Сириядағы бейбіт келісімге қосылушы елді мекендердің саны бір тәулік ішінде 133-ке жетті.
Осыған дейін белгілі болғандай, күрд жасақтары Шейх-Максуд Алеппо орамында өздері қорғап отырған жерлерін тастап кеткен. Олар содырлардың тоқтаусыз жасаған шабуылдарынан кейін шегініс жасауға мәжбүр болды.
Аян Әбдуәли.
Дерек, фото: rg.ru.