Жасы 14-ке толмаса да

қылмыстық жауапкершілікке тартылады Израиль парламенті адам өлтірген, өлтіруге әрекет еткен және басқа да ауыр қылмыстар жасаған 14 жасқа дейінгі балаларды қылмыстық жауапкершілікке тартуды қарастыратын заң қабылдады. «Заң қажет болғандықтан қа­былданып отыр. Әлемді жан түршігерлік лаңкестік оқиғалар жайлап барады, сол себепті өзі­мізді қорғаудың амалдарын қолға алмасақ болмайды. Біз осы заңды қабылдау арқылы бала­лардың қару ретінде пайдаланылуын болдырмауға мүмкіндік аламыз», – дейді заңнаманы әзірлеген «Ли­куд» партиясының жетекшісі Аната Берко. Жаңа заңға сәйкес, бас бос­тандығынан айырылған балалар 14 жасқа толған соң абақтыда жазасын өтей бастайды, ал оған дейін жабық интернаттарда ұсталады. Түрмеге ауыстыратын уақытта сот отырысы өткізіліп, жазаны жеңілдету, кейінге шегеру, не мүлде бас тарту туралы шешім қабылданады. «Егемен-ақпарат»