ҚР Премьер-министрі Бақытжан Сағынтаев Қырғызстан президенті Алмазбек Атамбаевпен ШЫҰ-ға мүше мемлекеттер үкімет басшыларының ұжымдық кездесуіне қатысты, деп хабарлайды primeminister.kz.
Кездесу барысында қатысушылар ШЫҰ-ға мүше мемлекеттердің үкімет басшылары кеңесінің алдағы отырысының күн тәртібі мен көпжақты ынтымақтастықты нығайту мәселелерін талқылады.
Еске сала кетейік, ҚР Премьер-министрі Бақытжан Сағынтаев Бішкекке бүгін өтетін ШЫҰ-ға мүше мемлекеттер үкімет басшыларының кеңесіне қатысуға барған болатын.