ЭКСПО-2017 Халықаралық мамандандырылған көрмесін өткізу кезінде қауіпсіздік пен құқықтық тәртіпті қамтамасыз ету бойынша әзірленген іс-шаралар шеңберінде ағымдағы жылғы 31 қазан мен 2 қараша аралығында ЭКСПО кезінде қауіпсіздік пен құқықтық тәртіпті қамтамасыз етуге қатысатын Астана қаласы ІІД қызметкерлері үшін «Бұқаралық іс-шараларды басқару саласында полицияның әлеуетін күшейту» тақырыбына семинар өтті, деп хабарлады ІІМ баспасөз қызметі.
Семинарды Еуропадағы қауіпсіздік және ынтымақтастық жөніндегі ұйым (ЕҚЫҰ) бағдарламасының офисі Нидерланд корольдігінің полиция Академиясының қатысуымен ұйымдастырды. Оған Германия Үкіметі қаржылай қолдау көрсетті. Семинар ЭКСПО көрмесі кезінде осыған ұқсас іс-шараларды өткізудің әлемдік тәжірибесі ескеріліп, нақты ұсыныстар негізінде Қазақстан Республикасының ішкі істер органдары үшін лайықталып жасалған.
Семинарда ЭКСПО көрмесін өткізу орындарында болатын іс-шаралардың қауіпсіздігін қамтамасыз ету бойынша практикалық дағдылар пысықталды. Оның қорытындысы бойынша Астана қаласы ІІД-нің 30-дан астам қызметкеріне тиісті сертификаттар берілді.