«Астана» футбол клубының шабуылшысы Патрик Твумаси Еуропа Лигасының топтық кезеңіндегі төртінші тур матчтарының нәтижесі бойынша аптаның үздік футболшылары қатарына енді, деп хабарлайды Vesti.kz.
Жанкүйерлер арасындағы дауыс беру УЕФА-ның ресми сайтында өтті. Ганалық футболшы үшін респонденттердің 10 пайызы дауыс беріп, 4-орынды иеленді. Оның алдыңғы орындарға Мусса Соу («Фенербахче», 42%), Жулиано («Зенит», 21%) және Николае Станчу («Андерлехт», 11%) орналасты.
«Олимпиакосқа» қарсы ойында Твумаси «Астана» командасының еурокубоктағы ең жылдам голын салған Джордж Деспотовичке нәтижелі пас берген. Ал «Астана-Арена» стадионында өткен матч 1:1 есебімен аяқталған болатын.