«Қазгидромет» РМК 14-16 қаңтар - демалыс күндеріне арналған ауа райы болжамын ұсынады.
«Қазақстанның батыс, орталық, оңтүстік және оңтүстік-шығысында ауа райын антициклон белгілейтін болады, сондықтан осы жерлерде басымырақ жауын-шашынсыз ауа райы күтіледі. Республиканың солтүстігі мен шығыс облыстары бұрынғысынша фронттар ықпалының аймағында болғандықтан, онда қар жауып, боран соғады. Суық түскендігіне қарамастан, Қазақстанның көп бөлігінде ауа температурасы климаттық нормаға жуық және кей жерлерде 2-4ºС жоғары болады», - деп жазылған хабарламада.