Елордада 26 қаңтарда және 8 ақпанда «Астана» концерт залында (бұрынғы Конгресс-холл) барлық қалалық басқармалардың өкілдерінің қатысуымен ашық есік күні өтеді, деп хабарлады Астана қаласы әкімдігінің баспасөз қызметі.
«Белсенді азамат» акциясы аясында ұйымдастырылатын шара барысында елорда тұрғындары сағат 09.00-ден 18.00 дейін өз ұсыныстары мен сауалдарын жолдай алады.