"Барселона" футбол клубы директорларының бірі Пере Гратакос 13 қаңтар күні "клубтың ұстанымдарына қарсы келетін жеке пікірін қоғам алдында айтқаны үшін" қызметінен босатылды, - деп хабарлады Sport.ru.
Басылымның айтуынша, ол: "Лео - клубтағы ең маңызды адамдардың бірі. Бірақ ол жалғыз емес. Ол Иньеста, Неймар мен басқа ойыншылар болмаса, дәл осы деңгейде болмас еді. Бірақ Месси - үздігі", деген сөздері үшін жұмысынан шығарылған.
Пере Гратакос 70-80 жылдары клубтың жастар және резервті құрамында болған. 2003-2005 жылдары ол Месси ойнаған "Барселона В" командасының бапкері қызметін атқарған. Соңғы кездері Гратакос испан футбол федерацияларымен байланыс басшысы қызметін атқарған. Қазір "Барселонада" "Масия 360" жобасындағы жұмысын жалғастырып жатыр.