Бішкек түбінде апатқа ұшыраған жүк тасымалдайтын Boeing апатынан кем дегенде 16 адам қаза тапты, - деп хабарлайды ел үкіметінің өкілдеріне сілтеме жасаған Рейтер агенттігі.
Агенттік Қырғызстанның денсаулық сақтау министрлігіне сілтеме жасап, қазіргі уақытта құтқарушылар пилоттың және 15 жергілікті тұрғынның денесін тапқанын хабарлап отыр.
Сондай-ақ, апатқа ұшыраған жүк ұшағының Turkish Airlines әуе компаниясының иелігінде екені анықталды.
Естеріңізге сала кетсек, оқиға "Манас" әуежайында 16 қаңтарда жергілікті уақыт бойынша шамамен сағат 07.30-да болған.