Қырғызстанның Денсаулық сақтау министрлігіндегілер Бішкектегі әуе апатынан аман қалған ұшқыштың ауруханаға барар жолда қайтыс болғанын хабарлады, - деп жазады L!FЕ. Алдын ала мәлімет бойынша, қайтыс болған ұшқыш Түркияның азаматы болған.
Соңғы мәліметтерге сәйкес, әуе апатынан қаза болғандардың саны 33 адамнан асқан. Оқиға орнына елдің премьер-министрі Сооронбай Жээнбеков және денсаулық сақтау министрі Талантбек Батыралиев келген.
Естеріңізге сала кетсек, "Манас" әуежайында 16 қаңтарда жергілікті уақыт бойынша шамамен сағат 07.30-да ұшақ апаты болды. Апатқа ұшыраған жүк ұшағының Turkish Airlines әуе компаниясының иелігінде екені анықталып отыр. Ал кейінірек Бішкек түбінде құлаған ұшақтан 32 адамның қаза болғаны белгілі болды.