Синоптиктер 2017 жылғы 17-19 қаңтарға арналған ауа райы болжамын жария етті, - деп хабарлайды Қазгидромет.
Мамандардың болжамына қарағанда, антициклон ауа райына ықпал етеді. "Қазақстанға қарай ығысқан антициклон алдағы тәуліктерде өз ықпалын әлі сақтайды. Республиканың көптеген облыстарында жауын-шашынсыз бір қалыпты аяз күтілуде, кей жерлерде ауа температурасы шамамен нормадан 1-2 градус төмен болады деп болжанады", - делінген хабарламада.
Алайда, тек батыс пен оңтүстікте, атмосфералық фронттардың жақындауымен 18 және 19 қаңтарда кей жерлерде қар жауып, тұман басып, оңтүстікте көктайғақ күтіледі.