Microsoft компаниясы экраны иілетін смартфон шығарады, деп жазады "Вести.net".
Басылымның хабарлауынша, компанияның бұл өнімі планшеттің де, телефонның да қызметін атқара алады. Құрылғының экранын кітап сияқты немесе үш бұрышты призма формасында бүктеуге болады. Дәл осындай технологияның көмегімен компания мобильді нарықты жаулап алмақшы.
Айта кету керек, өткен жылы Microsoft Surface Studio үстел компьютері туралы ақпарат желіге тарап кеткен еді. 2009 жылы-ақ компания осындай өнім шығаратыны туралы ақпаратпен бөліскен еді.