Элвира Жүргенбаева Астана қаласы әкімінің баспасөз хатшысы - баспасөз қызметінің жетекшісі болды, деп хабарлайды ҚазАқпарат.
«Кеш жарық, достар! Өмірімдегі маңызды өзгерістер жөнінде айтқым келіп отыр. Мен бүгіннен бастап Астана қаласы әкімінің баспасөз хатшысы - баспасөз қызметінің жетекшісімін. Телеарнада 10 жылға жуық уақыт еңбек еттім. Көп нәрсені үйрендім, көрдім. Жаңа әсерлер, жаңа тәжірибе, шақыртулар мен жеңістер үшін кез келді! Әсет Исекешевтің баспасөз қызметінде еңбек ету - үлкен құрмет және жауапкершілік...», - деп жазды Жүргенбаева Facebook-тегі өз парақшасына.
Элвира Жүргенбаева Оңтүстік Қазақстан облысы Жетісай қаласының тумасы. Әл-Фараби атындағы Қазақ Мемлекеттік университетін аяқтаған.