«Реал» командасының бұрынғы қорғаушысы Жьюлен Фобьер Финляндияның «Интер» футбол клубына ауысты. Бұл туралы vesti.kz хабарлады.
Бұған дейін 33 жастағы футболшы мансабын Қазақстанда жалғастыруы мүмкін екендігі белгілі болған. Мәліметтерге сәйкес, «Алтай» футбол клубымен келісімшартқа отыруы тиіс болатын.
«Реалдың» бұрынғы ойыншысы жаңа командасына еркін агент ретінде тегін келіп, бір жылдық келісімшарт жасасты.