Қазақстан Республикасы Президентінің Жарлығы

Е.А.Біртановты Қазақстан Республикасының Денсаулық сақтау министрі қызметіне тағайындау туралы Елжан Амантайұлы Біртанов Қазақстан Республикасының Денсаулық сақтау министрі болып тағайындалсын. Қазақстан Республикасының Президенті Н.НАЗАРБАЕВ Астана, Ақорда, 2017 жылғы 25 қаңтар    № 414  

Елжан Амантайұлы БІРТАНОВ

1971 жылы туған. Алматы мемлекеттік медицина институтын, «Тұран-Астана» университетін бітірген. Медицина ғылым­дарының докторы ғылыми дәрежесі бар. Жоғары оқу орнын бітіргеннен кейін Алматы қаласы жедел медициналық көмек көрсету ауруханасында мамандығы бо­йынша жұмыс істеді. Денсаулық сақтау саласында мол еңбек тәжірибесі бар. Республикалық токсикология орталы­ғы­ның басшысы, Денсаулық сақтауды дамыту институтының директоры лауазымдарында қызмет атқарған. Денсаулық сақтау вице-министрі лауазымына тағайындалған. «Ұлттық медициналық холдинг» АҚ, «Мемлекеттік-жекеменшік әріптестік жобаларын қолдау орталығы» ЖШС басқарма төрағасы болған. 2015 жылғы қарашадан – Қазақстан Республикасының Еңбек және халықты әлеуметтік қорғау вице-министрі.