* * *
Германия Федеративті Республикасының Федералды канцлері Ангела Меркель Нұрсұлтан Назарбаевты Қазақстан Республикасының Президенті болып қайта сайлануымен шын жүректен құттықтады. Құттықтауда былай делінген: Құрметті Президент мырза, Сізді Қазақстан Республикасының Президенті болып қайта сайлануыңызға орай шын жүректен құттықтаймын. Мен Сізге жауапты қызметіңіздің жалғасында үлкен жетістіктер мен сәттілік тілеймін. Мен өткен жылдың шілде және желтоқсан айларында Астанаға жасаған сапарларым кезінде арамызда болған қызықты әңгімелерді қуана еске аламын. Сізге көрсеткен қонақжайлығыңыз үшін тағы бір рет алғысымды білдіргім келеді. Мемлекет басшысы Нұрсұлтан Назарбаевты президенттік сайлаудағы сенімді жеңісімен Еуропалық Комиссияның Президенті Жозе Мануэль Дюрао Баррозу құттықтады. Құттықтауда былай делінген: Менің Сізді Қазақстан Республикасының Президентіне қайта сайлануыңызбен құттықтағым келеді. Еуропалық Комиссия ЕО-мен Сіздің еліңіздің қарым-қатынастарын жалғастыруды және кеңейтуді асыға күтеді. Біз елде жалғасып жатқан экономикалық және саяси реформалардың аясында одан кейінгі ынтымақтастыққа да дайынбыз. Мемлекет басшысы Нұрсұлтан Назарбаевты сайлаудағы сенімді жеңісімен Ресей Федерациясы Үкіметінің Төрағасы Владимир Путин құттықтады. Құттықтауда былай делінген: Құрметті Нұрсұлтан Әбішұлы, Дауыс беру нәтижесі Сіздің Қазақстан халқы алдындағы жоғары беделіңізді толықтай дәлелдеді. Мемлекеттің құрылуында тамаша жеңістер, сезіліп отырған экономикалық ілгерілеушілік және Қазақстан Республикасының тәуелсіз даму жылдарында қол жеткізілген азаматтардың өмір сүру жағдайының жақсаруы Сіздің атыңызбен тікелей байланысты. Мемлекет басшысы Нұрсұлтан Назарбаевты Нидерланд Корольдігінің Премьер-министрі Марк Рютте сайлаудағы сенімді жеңісімен құттықтады. Құттықтауда былай делінген: Жоғары мәртебелі, Сіздің Қазақстан Президенті болып қайта сайлануыңызға орай ұлықталуыңызбен құттықтауға рұқсат етіңіз. Мен біздің елдеріміз арасындағы қарым-қатынас сындарлы және өзара тиімді сипатта болатынына сенімдімін. Мен Сізге алдағы тұрған барлық міндеттер мен ығыттарды шешуде сәттілік, сондай-ақ көптеген салалардағы Сіздің еліңіздің әл-ауқатының артуын тілеймін. Мен 2010 жылдың желтоқсан айында Астанадағы ЕҚЫҰ Саммитінде негізі қаланған Қазақстан мен Нидерланд арасындағы қарым-қатынас тереңдей түседі деп сенемін. Мемлекет басшысы Нұрсұлтан Назарбаевты Иордания Хашимит Корольдігінің Королі Абдалла ІІ ибн әл-Хусейн сайлаудағы тамаша жеңісімен құттықтады. Құттықтауда былай делінген: Жоғары мәртебелі, Сізді шын жүрегімнен Қазақстан Республикасының Президенті болып қайта сайлануыңызбен құттықтауға рұхсат етіңіз. Біз болашақта бауырлас халықтарымыз арасындағы қарым-қатынасты дамытып, екі елдің ортақ мүдделерін қанағаттандыруға бағытталған әртүрлі салалардағы екіжақты ынтымақтастықты нығайтуға деген талпынысымызды қуаттаймыз. Мемлекет басшысы Нұрсұлтан Назарбаевты сайлаудағы тамаша жеңісімен Түркіменстан Президенті Гурбангулы Бердімұхамедов құттықтады. Құттықтауда былай делінген: Құрметті Нұрсұлтан Әбішұлы! Сіздің Қазақстан Республикасының Президенті болып қайта сайлануыңызға орай шын жүректен жолдаған құттықтауымды қабыл алыңыз. Елдеріміз бен халықтарымыз арасындағы дәстүрге айналған достық қарым-қатынас, сонымен қатар, Түркіменстан мен Қазақтан Республикасы арасындағы өзара тиімді ынтымақтастық болашақта да ұдайы дамып және бауырлас халықтарымыздың игілігі үшін нығая түседі деп сенемін. Мемлекет басшысы Нұрсұлтан Назарбаевты Финляндия Республикасының Президенті Тарья Халонен президенттік сайлаудағы сенімді жеңісімен құттықтады. Құттықтауда былай делінген: Құрметті Президент мырза! Финляндия мен Қазақстан арасында жақсы қарым-қатынас қалыптасқан. Біз болашақта да ынтымақтастығымызды нығайта түсеміз деп үміттенемін. Сондай-ақ Сізге Астанада өткен ЕҚЫҰ Саммитінде қабылданған декларация рухында алға қойған мақсаттарыңызға жетуіңізге тілектеспін. Қазақстан Республикасының Президенті қызметінде Сізге үлкен жетістіктер тілеймін. Мемлекет басшысы Нұрсұлтан Назарбаевты президенттік сайлаудағы тамаша жеңісімен Австрия Республикасының Федералды Президенті Хайнц Фишер құттықтады. Құттықтауда былай делінген: Құрметті Президент мырза, Мен Сізге Қазақстан Республикасының Президенті болып қайта сайлануыңызға орай шын жүректен құттықтау жолдауға қуаныштымын. Мен Сізге реформалау және қайта жаңғырту жобаларының ең жақсы жолмен жүзеге асырылуын тілеймін. Мен сондай-ақ Сізге Қазақстаннан тыс аумақта да тұрақтылық пен қауіпсіздікті нығайтуға қосқан үлесіңіз үшін алғысымды білдіргім келеді.
•
09 Сәуір, 2011
Ықыласты құттықтаулар, ізгі тілектер
2011 рет
көрсетілді