"Біз қала басшылығы мен тұрғындарының табиғатпен қарым-қатынасын түбегейлі өзгертпекпіз. Өкінішке қарай, жаппай ағаш кесу тыйылар емес. Таяуда ғана Үлкен Алматы өзені бойындағы 3800 түп ағаштың кесілетіні туралы ақпарат шықты", - деп өз наразылығын білдірді белсенді Абай Ерекенов.
Қала тұрғындары жергілікті биліктен мынаны талап етеді:
— Алматыда үш жылға дейін ағаш кесуге мүлде тыйым салу;
— тәуелсіз экологтар мен белсенділерден құралған "жасыл" комиссия құру;
— табиғат ресурстарын басқару мен реттеуге қатысты рұқсаттама, бақылау және тексерудің барлық қызметтерін осы комиссияға жүктеу және Жемқорлыққа қарсы қоғамдық сараптама жүргізу.