Оңтүстік Қазақстан облысында биыл «Өңірлерді дамытудың 2020 жылға дейінгі бағдарламасы» аясында 123 көпқабатты тұрғын үйде жөндеу жұмыстарын жүргізу жоспарланып отыр.
Осы бағдарламамен Шымкент қаласында - 21 үй, Кентауда - 37 үй, Арыста - 9 үй, Сарыағашта - 13 үй, Шардарада - 8 үй, Мақтаралда - 10 үй жөндеуден өтеді.
Жалпы, Оңтүстік Қазақстан облысы бойынша 3152 көпқабатты тұрғын үй бар. Ол үйлердің басым бөлігі 1934-1990 жылдары салынуына байланысты тозу деңгейі өте жоғары. Бүгінгі таңда облыс бойынша 1393 көпқабатты тұрғын үй күрделі жөндеуді қажет етеді.
«Өңірлерді дамытудың 2020 жылға дейінгі бағдарламасы» бойынша 2011-2015 жылдары, яғни бес жыл ішінде республикалық бюджет есебінен облыстың 9 аудан, қалаларында 188 көп қабатты тұрғын үй күрделі жөндеуден өткен болатын.
Бақтияр Тайжан,
«Егемен Қазақстан».
Оңтүстік Қазақстан облысы