Тәуелсіздіктің тұңғыш түлектері

Ел азаттығын алып жатқан жы­лы, мектеп бітіріп, азамат атан­дық. Қоғамның аласапыран уақы­ты еді ол. Мемлекеттік құрылым түбе­гей­лі өзгеріп жатқан. Саяси пікірқай­шылықтар мен экономи­калық қай­та құрудың кезінде барар бағы­ты­мызды аңдай алмай қалған тұсқа тап болған жайымыз бар. Не істеу керек? Қолымызға аттестат алып, жүрегіміз атша ту­ла­ғанымен, алда­ғы күніміз тұ­ман­ды көрінгенін кімнен жасыруға бо­лады?! Сонда да болса, армандастар жан-жаққа білім қуып, ел болашағының іргесін жұртпен бірге қалауға білек сыбана кірісіп кеттік... Содан бері арада жиырма жыл өтіпті. Осы аралықта еліміз адам танымастай өзгерді. Елбасының са­лиқалы саясатының арқасында әлем картасында Қазақстан атты айбынды мемлекет құрылды. Эко­номикамыз өрге басып, әлеуметтің әлеуеті арта түсті. Еліміз ертегідегі баһадүрлер секілді күн сайын емес, сағат сайын өсті. Оған өзіміз куәміз. Осындай тарихи сәттің куәсі еткен Жаратқанға қалайша шүкіршілік айтпайсың. Биыл мектеп бітіргенімізге 20 жыл өтіпті. Сыныптастар бас қо­сып, сонау балалық шаққа қайта оралғандай болып отырмыз. Кеше ғана, алғашқы ұстазымыз Саракүл Жүсіпбекова апайымыздың ал­дын­да жәудіреп отырғандаймыз. Әр­бірімізге қалам мен қағаз ұс­татып, аялы алақанымен шашы­мыз­дан сипап тұрғандай. Бір сы­ныпта 42 бүлдіршін әріп танып, сауат аштық. Бастауыш саныптарды аяқта­ған сәтімізде, ағылшын пәнінің мұғалімі Алуа Разақова апайымыз қолына алды. Біздің есейіп, өмірге деген көзқарасымызды қалыптас­ты­ра білді. Әрбірімізді өз бала­сын­дай мәпелеп, ата-анадан айы­рыл­ған қамкөңіл қатар­лас­тары­мыз­­дың жағдайына үлкен жүрек­пен араласты. Сыныптар жоғары­ла­ған сайын, әрқайсымыздың мінезіміз ашылып, айналаға сын көзбен қарай бастағандай болдық. Тіпті кейбіреулеріміз, өзіміз бол­ғандай әсерде жүрдік. Өр көңіл кеудеміздің өрекпік желін, тарих пәнінен сабақ берген Манат Сматова апайымыз су сепкендей баса­тын. Ол кісі келе жатқанда ал­дын­да қыздай сызылғанымызды сез­бей де қалатын едік. Өмірге деген туралық пен шыншылдықты сол жаннан сіңірдік. Барлық бала өзімізше бір әлем едік. Іштегі бір арпалыс шығармашылығымызды дамытты. Бір-бірімізден ұрлана жа­затын тақпақ, жырларымыз қан­шама еді. Әдебиет пәнінен сабақ беретін Шара апайымыздың ау­зы­на қарайтынбыз. Енді ғана «сен кереметсің» деп айтатындай. Азаттықпен бірге алтын ұя мек­тебімізден қарлығаштай ұшып шықтық. Өмір біз ойлағандай армандардан тұрмайтынын білдік. Сыныптар түгелге дерлік жоғарғы оқу орындарына түстік. Таудай болған талапкерлер, бытырап жан-жаққа шашылып кеттік. Биыл Тәуелсіздік алғанымызға 20 жыл толып отыр. Біздің де то­лысып, ел қабырғасының бір кірпіші болғанымызға осынша жыл болыпты. Сонау бір кездегі балауса жастар, әр салада еңбек етіп, елдің өркендеуіне үлес қосып жүр. Арамыздан оқымыстылар да, кә­сіпкерлер де, шығармашылық жан­­дар да шықты. Олардың бәрі ел болашағы үшін ерінбей еңбек етуде. Өйткені, олар – тәуелсіздіктің алғашқы түлектері. Ал ел үшін еңбек етуге баулыған, мемлекетшілдік сана қалыптастырған, азамат еткен ұстаздарымызға айтар алғысымыз ұшан-теңіз... Сапар РАХМЕНШЕЕВ, Қызылорда облысы денсаулық сақтау басқармасы бастығының міндетін атқарушы.