Жеңдік! Гол! Жанкүйерлерге рахмет!

Кеше Астана төрінде Қазақстан құрамасы Әзірбайжан командасын қабылдап, 2012 жылғы Еуропа чемпионатының іріктеу турниріндегі алғашқы жеңісіне жетті. Есеп – 2:1. Осы кезге дейін Еуропа чемпионатының іріктеу турниріне екінші рет қатысып, соның екеуінде жеңісті тойлаған ұлттық құрама үшін кешегі Әзірбайжанмен болған жиырмасыншы ойын жеңісті күндеріміздің жалғасы болса дегіміз келеді. Бүгін Қостанайда өтетін Патриоттар форумының алдында қостанайлық теңбіл доп шебері Сергей Гридин бүкіл қазақстан­дықтарға тамаша қуаныш сый­лады. «Тобыл» командасының құрамында шебер ойынымен көпке танылған жас шабуылшы еліміздің құрама командасында алғаш рет өнер көрсетіп, ал­ғаш­қы ойынында... екі бірдей гол соқты. Мұндай жағдай футболда сирек кездеседі. Әдетте құра­ма командадағы алғашқы ойын­да асып-саспайтын адам аз. Ондайда әдеттегі жүрісінен жаңы­лып, өз командасындағы ойын өрнегінен де айырылып қалып жататындар жетеді. Ал Сергей «Ас­тана-Аренадағы» тұңғыш матч­та-ақ кәнігі шеберлердей қимылдады, командаға табиғи түрде кірігіп кеткендей әсер қалдырды.  Осы кездесуде тәжі­ри­белі ойыншылармен бірге соң­ғы кезде жасыл алаңда көп­шіліктің көзіне түсіп жүрген жас ойыншылар да өнер көр­сетті. Соның бірі жаңағы айтқан Сергей Гридин болса, онымен жанын беріп, ойында бүкіл күш-қайратын жұмсаған Ұлан Қо­ныс­баев, Қайрат Нұрдәулетов сияқ­ты ойыншылар. Ал құра­ма­ға Бернд Шторк кезінде көптен бері алынбай, «Ақтөбенің» на­мысын қорғап жүрген Самат Сымақов, Марат Хайруллин секілді тәжірибелі ойыншы­лар­дың орны бөлек, әрине. Бұл матчта жарақатына байланысты қақпашы Давид Лория мен жар­тылай қорғаушы Андрей Карпович ойнамады. Капитанның жей­десін киген Нұрбол Жұмас­қалиев тіпті құрамаға шақы­рыл­мады. Құраманың жаңа бапкері Мирослав Беранектің алдағы уақытта Нұрболдай басқа да тәжірибелі ойыншыларды команда сапына қосатынына сенеміз. Ал кешегі ойында дубль жасаған Сергей Гридинге негізгі құрамға қосып, өзін көрсетуге мүмкіндік бергенін Қазақстан құрамасына жетекшілік тізгінін жаңа қолға алып жатқан чех жаттықтырушысы Мирослав Бе­ранектің көзінің қырағылы­ғы­ның белгісі деп сенгіміз келеді. Қазақстан командасына Вугар Надиров соққан алғашқы гол тұ­тастай қорғаушы Юрий Логви­ненконың кінәсі деуге болады. Айтқандай, Әзірбайжан коман­да­сының бапкері Берти Фогтс ойын­шыларды алмас­тыру­да өте сәтті шешім қабылдады. Сол голдың авторы Вугар Надиров біздің қақ­паға доп соғардан екі ми­нөттей ғана бұрын Джавид Гусейновті ал­мастырған болатын. Осы ойын­да Мирослав Беранек те ойын­шы­ларды сәтті алмастыра білді. Ол екінші таймда құрама са­пына көптен бері қосылмай, алаңда өзінің ойы­нын таба алмай жүрген Сергей Оста­пен­­коны Сергей Хиж­­ни­чен­­­­ко­мен, Юрий Лог­ви­ненконы Михаил Рожковпен ал­мастырды. Ал Марат Хайруллинді Александр Кировпен алмас­тырғаны бізге тү­сініксіздеу болып көрінді. Осы ойында Сергей Гри­диннің екінші го­лына әде­мі пас берген Марат ойынын жалғастыра берген­де біздің ша­буылшылар есепті тағы еселей түсер ме деген ойымыз болғаны жасырын емес. Дегенмен, ойын біздің пайда­мызға шешілді. Ең бастысы осы. Стадионда құра­ма­ға болысып, «Алға, қазақтар!», «Қазақстан!» деп 94 минөт бойы ұрандатқан жанкү­йер­лердің қуа­ны­шында шек жоқ. Бұл жағдай басқаға болмаса да бізге түсінікті нәрсе. Өйткені, Қа­зақстан құра­масы УЕФА-ға 2002 жылы кіргенімен, 2006 жылдан, яғни Еуропа чем­пио­наты­ның іріктеу турниріне қатыс­қан кезден бері үшінші жеңісіне жетіп отыр. Алғашқы жеңісті біз 2007 жылы Алматыда Сербияны 2:1 есебімен ұтып, той­лаған бола­тынбыз. Ал екінші же­ңі­сімізге сол жылы Арменияны сырт алаң­да 1:0 есебімен жең­генімізде жеткеніміз есімізде. Біз ойыннан кейін осы ре­пор­тажды жазып үл­геру үшін редак­цияға асықтық та, матчтан соң­ғы баспасөз мәс­лихатына қатыса алмадық. Стадионнан шыққан бетте бірер ауыз тілдескен жанкүйер – кә­сіпкер Серікбек Боранбаев ойыннан алған әсерін былайша бөлісті: «Әзір­байжан ко­мандасының мұның алдында Түркия құрамасын өз алаңында жеңгенін білгендіктен осы ойын­­ға алаң көңілмен келгенім рас еді. Шынын айтқанда, қонақ­тар­дан мұнан әлдеқайда шебер ойын күткен болатын­мын. Әзір­байжан­дықтардан ма­ған 22-ші нөмірлі Афран Измаилов қатты ұнады. Техникалық тұрғыдан өте сауат­ты. Алаңды жақсы кө­ре біледі. Өз футбол­шылары­мыз­дың арасынан Сергей Оста­пенконың, Ұлан Қо­ныс­баевтың, Казбек Гетериевтің жанын са­лып ойнағаны көзге ұрып тұр­ды. Сонымен бірге қор­ғаныс шебіндегі селкеуліктер әлі де жан ауыртады. Қалай дегенде де Қазақстан коман­да­сының ойын өрнегі Шторктың тұсындағыдан ілгері. Жаңа бап­кердің жаңа ойын­шыларды, жас ойыншы­лар­ды құрамаға тар­ту талабы да құптарлық. Фут­бол­шы­ларымыз психологиялық тұр­ғыдан әлі де шыңдала түссе деймін. Жеңісі­міз құтты бол­сын!». Біз де осыны айтамыз. Же­ңісті күндерде жүздесуге жаз­сын. Айтпақшы, біздің құрама­ның осы жеңісіне шын жүре­гі­мен Ресейдегі футбол жан­күйер­лері де қуанып жатқаны көңіл өсіреді. Матчтан кейін интернет сайттарды ақтарып отыр­ғаны­мыз­да, өзінің атын атамаса да Қазақ­станнан Ресейге көшіп кеткен бір жанкүйер былай деп жа­зыпты: «Нижний Новгородта араб­­тың бір теле­ар­насынан матч­­ты қарап отыр­мын. Бірнеше жыл ішінде құ­ра­ма жаңарты­лыпты. Ма­ған ұна­ды, шабуылға батыл шы­ғып жүр. Гридин таң­ғал­дыр­ды. Оны енді Ресей премьер-лигасында көрсем деймін. Жерлестер, же­ңіс­теріңіз құтты бол­сын!». Біз­дің бұған алып-қосарымыз жоқ. «Жақсы сөз – жарым ырыс» дейді. PS: Осы күні Лихтенштейн мен Литва құрамаларының кездесуіне төрт қазақстандық төреші қазылық жасады. Бас төреші Артем Кучин (Қа­ра­ған­ды), қапталда Евгений Бельский (Тараз), Рүстем Сүйінов (Па­в­лодар), төртінші төреші қоста­най­лық Анатолий Вишниченко болды. Суреттерді түсірген Орынбай Балмұрат. Дастан КЕНЖАЛИН.