Үкімет басшысы Кәрім Мәсімов БҰҰ Бас хатшысының орынбасары, БҰҰ ЕҚБ атқарушы директоры Юрий Федотовпен кездесті.
«Нашақорлықпен күрес – ұлттың амандығы. БҰҰ Бас хатшысының орынбасары, БҰҰ Есірткі және қылмыс жөніндегі Басқармасының атқарушы директоры Ю.Федотовпен кездескенде осы мәселе сөз болды», – деп жазған К.Мәсімов Twitter-дегі жеке парақшасында. Осында атап көрсетілгендей, «Заңсыз есірткі» корпорациясы - бұл ІЖӨ бойынша әлемнің 30-шы экономикасы болып табылады.