Сессияға дайындық барысы пысықталды

Кеше Парламент Мәжілісінің Төрағасы Орал Мұхамед­жа­нов­тың жетекшілігімен палатаның жұмыс жоспарына сәйкес отырыс болып өтті, деп хабарлады Мәжілістің баспасөз қызметі. Отырыста үстіміздегі жылғы 1 қыркүйек күні Мемлекет басшы­сы­ның қатысуымен өтетін қос палатаның бірлескен отыры­сын­да Қазақстан Республикасы Пар­ла­ментінің төртінші шақыры­лы­мының 5-ші сессиясының ашы­луы­на дайындық жұмыстары жө­нінде мәселе қаралды. Осыған орай Мәжіліс Төр­аға­сы палатаның салалық комитеттері мен Аппараттың құры­лым­дық бө­лім­деріне жаңа сессияның ашы­луы­на дайындық жұмыс­та­рын ұй­ым­дастыру туралы тап­сырма берді. Сонымен қатар, палатаның 5-ші сессиясына арналған жұмыс жоспары мен Мәжілістің бірінші жалпы отырысына дайындық мәселелері де қаралды. Отырысқа палата Төраға­сы­ның екі орынбасары мен Ап­па­раттың басқа да жауапты қызмет­кер­лері қатысты.