Тараз мемлекеттік университетінде Н.Назарбаевтың «Тәуелсіздік дәуірі» атты кітабы таныстырылды

Жиынға Жамбыл облысы әкімдігінің бірқатар басқарма бас­шылары, бұқаралық ақпарат құ­ралдары өкілдері, жоғары оқу орындарының профессор-оқы­ту­шылар құрамы қатысты.

Шараны ашып, жүргізген М.Х.Дулати атындағы Тараз мем­лекеттік университетінің ректоры, педагогика ғылымдарының докторы, профессор М.Сарыбеков Елбасының бұл еңбегі еліміз тә­уелсіздікке қол жеткізген жыл­дардағы қиыншылық пен бүгінгі гүлденген Қазақстанның жүріп өткен жолын көрсететін шежірелі кітап екенін айтып өтті.

М.Сарыбеков жаңа туындыда «Тәуелсіздік рухымызды шың­дады», «Біз әлемдік дағда­рыс сынағына төтеп бердік», «Әлем мойындаған көшбас­шы­лық», «Жаңа экономикаға батыл ұмтылыс», «Адам капита­лы­ның жаңа сапасы», «Қазақ­стан­ның айқын және мызғымас басым­дықтары» атты бірқатар тартымды бөлімдер бар екендігіне тоқталып, оның маңызы төңірегіндегі ойларын ортаға салды.

Келесі кезекте баяндама жа­саған заң факультетінің дека­ны Қайрат Нұрманбетов Елба­сы кітабына арқау болған тәуел­сіз­діктің алғашқы жылдарындағы ел өмірінің қоғамдық-саяси ахуалы, ондағы құқықтық қатынастарды реттеудің жай-жапсарын әңгі­ме­леді.

Одан кейін гуманитарлық-әлеуметтік ғылымдар факуль­те­тінің деканы Әзімхан Ыбырайым «Ұлы бетбұрыс» тақырыбында баяндама жасап, Елбасының бұл еңбегінде еліміз тәуелсіздік алғалы бері мемлекетіміздің қол жеткізген табыстары жан-жақта сараланғандығын тілге тиек етті.

Сонымен қатар Аймен Әнуар­бек кітаптың «Жаңа ғасыр табал­дырығында» атты тарауына тоқ­талып, жаңа мыңжылдықтар то­ғы­сында егемендікке қол жет­кіз­ген Қазақ елі жаңа ғасыр табал­ды­рығын табысты аттағанына тарих куә екендігін айтып өтті. Сон­дай-ақ жоғары оқу орнынан кейінгі білім беру факультетінің деканы Зәуре Әбдікәрімова «Қалып­тас­қан мемлекет» тақырыбында жа­саған баяндамасында кітапта Қазақстанның тарихи оқиғалар алаңына айналып, халықаралық саясатта беделінің арта түскендігін тілге тиек етті.

Шара соңында университеттің профессор-оқытушылар құрамы кітап туралы өз ойларын ор­та­ға салды, ұсыныстарын айтты.

Ләззат ТАЛҒАТҚЫЗЫ