Бірінші кезектегі мәселе

Сейсенбі, 19 маусым 2012 7:38

Астанада Ана мен бала ұлт­­тық ғылыми орталығында «Ана мен баланың өзекті мәселелері» атты республикалық конференция өтті.

Оған акушерлік және гинекология, перинатология, педиатрия, балалар хирургиясы, анестезиология және реаниматология сияқты салалар бойынша өз еліміздің мамандары, сондай-ақ, АҚШ, Ұлыбритания, Франция, Польша, Германия, Ресей, Украи­на сияқты елдерден келген ға­лымдар мен дәрігерлер қатысты.

Орталықтың құрылу күніне тұспа-тұс келген конференцияда отандық медицинаны да­мы­ту­дың болашағы, клиниканың жи­нақтаған тәжірибесі мен же­тіс­тіктері жайлы әңгіме қозғалды.

Сейсенбі, 19 маусым 2012 7:38

Астанада Ана мен бала ұлт­­тық ғылыми орталығында «Ана мен баланың өзекті мәселелері» атты республикалық конференция өтті.

Оған акушерлік және гинекология, перинатология, педиатрия, балалар хирургиясы, анестезиология және реаниматология сияқты салалар бойынша өз еліміздің мамандары, сондай-ақ, АҚШ, Ұлыбритания, Франция, Польша, Германия, Ресей, Украи­на сияқты елдерден келген ға­лымдар мен дәрігерлер қатысты.

Орталықтың құрылу күніне тұспа-тұс келген конференцияда отандық медицинаны да­мы­ту­дың болашағы, клиниканың жи­нақтаған тәжірибесі мен же­тіс­тіктері жайлы әңгіме қозғалды.

Қазіргі кезде құрылғанына 5 жыл болған орталық жұмы­сын­да оң нәтижелерге қол жет­кі­зілді. Мысалы, 2009 жылы же­л­тоқсан айында АБҰҒО-да ал­ғаш рет Қазақстанда созылмалы бүй­рек жетіспеушілігі бар жаңа туған нәрестелердегі перитонеальды диалезі, зағиптылықтың алдын алу үшін нәрестелердің көз торын лазерокоагуляциялау ендірілді. Орталықтың базасында еліміздегі алғашқы және жалғыз неонатальдық хирургия (жаңа туған нәрестелер хирургия­сы) бойынша өңірлік үйле­с­тіру орталығы жұмыс істейді. Биыл­ғы жылдың сәуір айында алғаш рет елімізде АБҰҒО мамандары ресейлік әріптесте­рі­мен бірігіп, миелобласты лей­ко­заға шал­дық­қан 14 жастағы балаға жілік май­ын аллогенді трансплантациялау операциясын жасады. Ор­талық пациент­тің қауіп­сізді­гін арттыру және емдеу саласын жақсарту сала­сындағы меди­ци­налық ұйым­ның «алтын стандарты» саналатын JCI аккредитациясын ала отырып, халық­ара­лық деңгейге қол жеткізді.

Конференция жұмысының аясында отандық және ше­т­ел­дік мамандар секциялық отырыстарда ана мен баланың өзек­ті мәселелерін талқылады. Мысалы, кеше тыңдаушыларды туа біткен даму кемшіліктерінің про­филактикасымен тұқым­қуа­лау­­шы ауруларды қоғамдық ба­қы­лау қорынан мажарлық маман Эндрю Цейцель таныстырды. Гетинген университетінің профессоры Вольфганг Вутке (Германия) гинекологиялық ме­та­бо­логиялық синдромдардың ал­дын алуда және емдеуде қол­да­ны­ла­тын қазіргі заманғы амал-тәсіл­дері туралы баяндама жасады.

Жалпы, екі күнге созылатын жиында көп мәселелер қарал­ды. Ресейдің профессорлары А.Семячкина мен О.Зиновьева «Орфанды аурулар» тақырыбы бойынша практик­а­лық сессияны, ал психоневрология бөлім­шесінің меңгеру­ші­сі А.Жақсы­баева, француз және ағылшын профессорлары Оливье Дюлака мен Колина Кеннеди, отандасымыз М.Л.Депе­со­ва­­­ның қаты­суымен ауыр эпи­ле­пиялық энцефалопатия бойынша сессия жүргізді. Барлығы гастроэн­те­ро­логиялық, ревматизм және эндокринді ауруларды емдеудің өзекті мәселе­ле­ріне байланысты 5 практикалық сессия өткі­зілді. Сонымен бірге, іс-ша­ра­ның онлай-трансляция арқылы шеберлік-сыныптары өткізіліп, оталар жасалды.

Дастан КЕНЖАЛИН,

«Егемен Қазақстан».