Бүгін Қазақстанның кәсіпқой футбол лигасының штаб-пәтерінде 2019 жылғы маусымдағы ел кубогы жолындағы жарыстың жеребесі тартылды.
Қазақстан кубогының 1/8 финалдық сайысында Премьер-лиганың 12 клубы және іріктеу кезеңінің 4 жеңімпазы бақ сынайды. Осы межедегі бәсекелер мына командалар арасында өтеді:
«Каспий» – «Қайрат» «Алтай» – «Астана» «Тараз» – «Шахтер» «Академия Оңтүстік» – «Қайсар» «Ақтөбе» – «Ертіс» «Оқжетпес» – «Ордабасы» «Атырау» – «Жетісу» «Ақсу» – «Тобыл»
1/8 финалдық межеде барлық жұптар бір ойыннан ғана өткізеді. Бұл бәсекелер 10 сәуірде өтеді.
Ғалым СҮЛЕЙМЕН,
«Egemen Qazaqstan»