Әбіләзов «өтіріктің пирамидасын» тұрғызды

Әбіләзов «өтіріктің пирамидасын» тұрғызды

Бейсенбі, 29 қараша 2012 7:47

Кезінде елде жүргенде емін-еркін асыр салған Әбіләзов БТА банктегіқылмыстық әрекеттерін іске асырып, қомақты ақшаны қалтасына басқанкүйі шетелге қашқаны белгілі. Мәселен, сонау 2008 жылы әлемдежаһандық қаржылық тапшылық басталғанда ол осы сәтті де тек өзінепайдалана білді. Ол кезде Америка, Еуропа банктері, кәсіпорындары,сақтандыру компаниялары бірінен соң бірі құлдырауға ұшырайбастаған.  Бірақ бұл кезде Қазақстан дағдарысқа қарсы үлкенбағдарлама дайындады. Мемлекет отандық экономиканы қолдау үшінмиллиардтаған доллар бөлді.

Бейсенбі, 29 қараша 2012 7:47

Кезінде елде жүргенде емін-еркін асыр салған Әбіләзов БТА банктегіқылмыстық әрекеттерін іске асырып, қомақты ақшаны қалтасына басқанкүйі шетелге қашқаны белгілі. Мәселен, сонау 2008 жылы әлемдежаһандық қаржылық тапшылық басталғанда ол осы сәтті де тек өзінепайдалана білді. Ол кезде Америка, Еуропа банктері, кәсіпорындары,сақтандыру компаниялары бірінен соң бірі құлдырауға ұшырайбастаған.  Бірақ бұл кезде Қазақстан дағдарысқа қарсы үлкенбағдарлама дайындады. Мемлекет отандық экономиканы қолдау үшінмиллиардтаған доллар бөлді. Қаржылық көмектің тиімділігін арттыру үшінақшаны екінші деңгейлі ірі банктер арқылы өткізу ұйғарылды. Оныңарасында директорлар кеңесінің төрағасы Әбіләзов болып табылатынБТА банкі де бар еді. Міне осы кезде банкир халықтың ақшасына баюдыкөздеді. Қаржыны миллиардтап ұрлады. Ақыры банкке тексерушілер келді.

Әрине, мұны Әбіләзов күтпе­ген еді. Аудит БТА да қаржылық түйткілдер жатқанын бірден бай­­қады. Банк тіпті банкроттық жағ­дайға жетіп, ал оған салынған ин­весторлар ақшасы шетелдік компаниялардың есебінде болып шықты. Тек атүсті қарағанның өзінде тексерушілер банкте бір­неше миллиард доллардың жетіс­пейтіндігін аңғарды. Сонан ақы­ры Әбіләзовті лауазымынан босатты. Оның қызметі салымшылар мен несие берушілердің мүд­десіне қайшы болып шықты. Әбіләзов енді өзіне қауіп төніп, қайыра сотталатынын, онда да ұзақ қамауға алынатынын сезді. Көп ойланбаған отандық банктің «білгірі» банкке рейдерлік шабуыл жасалды деп жалған айтып, өзі шет елге тайып отырды.

Мұны айтып отырған себебі­міз, ол елдегі осы құйтырқы қу­лық амалдарын жасыру үшін небір айла-әдістерге жүгінді. Өйт­кені, ол миллиардтаған долларды ұрлаған соң жауапқа да тартылып, сотталатынын жақсы білді. Алдында да ол қызметін асыра пайдаланып, заңсыз кәсіп­тік іспен айналысқаны үшін бір­­неше жылға бас бостандығынан айрылған болатын. Сондықтан  Әбіләзов  о бастан-ақ өзін саяси көз­­­қарасы үшін қуғындалып жат­қандай етіп көрсетуге тырысып бақты. Ол үшін бірқатар телеарналар мен сайттарды пайдаланды. Бірақ ондағы мәліметтер еш­қандай шындыққа жанаспады. Өйткені, аталған телеарналар мен сайттарда адам сенетіндей жағ­дай жоқ еді. Соның бірі К+ телеарнасы және онда Әбіләзов туралы жүргізілген хабарлар болып табылады.

Себебі, бұл телеарнаның бас­­қа телеарналардан айырмашы­­лы­ғы бірден көзге шалынады. Бі­­рін­шіден, аталған сайтта ешқандай мәтіндік жаңалықтар жоқ, тек онлайн-хабарлау терезесі бар. Осы­­ның өзі-ақ адамды күдіктен­ді­реді. Өйткені, ірі телеарналардың яғни, сайттары барлардың бәрін­де тек қана бейнеролик емес, оларда мәтіндік жаңалықтар да жеткілікті. Мәтіндік анықтамалар қажетті жаңалықтарды тез табу үшін және маңызды жаңалық­тар­ға қолданушылардың тез қол жет­­­кізуін жеңілдету үшін аса қажет. Ал бірақ К+-те мұндай еш­теңе жоқ. Жалғыз ғана қолда­ну­­шыға қолжетімділігі бұл қол­да­ныстағы онлайн-хабарлау мен YouTube-те орналасқан мәні саяз роликтер мұрағаты ғана. Бұл аталған телеарнаның бейнематериалдарды сақтайтын өзінің сервері жоқтығын білдіреді.

Екіншіден, телеарнада жаңа­лық­тардан басқа ештеңе жоқ. Онда авторлық та, сараптамалық та, пікірталастық та, музыкалық та бағдарламалар ойластырылмаған. Дәл былайша, медиа-холдинг­тер­ді айтпағанның өзінде, ірі телеарналар өз қызметтерін жүргіз­бей­ді. Олар керісінше, көрермен­дер­дің талабына сәйкес бағдарла­ма­ларды көрсетуге тырысады.

Сонымен, К+ телеарнасының барлық жаңалықтарының мазмұ­ны, сайып келгенде, Қазақ­стан­дағы жалған оқиғаларға құрыл­ған өсек-аяңдар мен тыйым са­лынған газеттердің айналасын­дағы бос әңгімелер. Тіпті кейде бұл телеарна жоғарыда айтылған жалған оқиғалардан басқа Қазақ­станда және Орталық Азия бойынша атқарылып жатқан ізгілікті жұмыстарды көрмейтін секілді.

Үшіншіден, аталған телеарна өзінің қызметкерлері туралы еш­қандай мәлімет бермейді. Өйт­кені, телеарналардың қарапайым тәжірибесі бойынша қажетті материалдарды түсіретін, шығары­лымдар мен бағдарламаларды жасайтын өзінің редакциясы туралы нақты мәліметтерді беруі ереже болып табылады.

Төртіншіден, К+ телеарнасы­ның сайтына кірген қолдану­шы­лардың есебінің жоқтығы бірден көзге шалынады. Мәселен, қазақ­стандық ірі телеарналардың сайтын орташа есеппен күніне 3000 қолданушы пайдаланады. Ал К+ сайтына қанша адам кіретіні редакциялық құпия секілді. Бұл Қазақстандағы көптеген кері құрылымдағы сайттардың өзіндік жолы болып табылады. Өйткені, олар кейін бұл сандарды өз қалауларынша айналдыра салуы оп-оңай.

Бесіншіден, К+ телеарнасы­ның сайтында сараптамалық материалдар мүлде жоқ деуге болады. Оларды бұл  қазақстандық, ресейлік, не батыстық толық­қан­ды телеарналардың әртүрлі хабарлар мен өрнектелген сайттарымен салыстыру мүмкін емес. Міне, осылайша жоғарыда ай­тыл­ғандарды қорытындылай келсек, К+ бұл жер серігі және Интернет арқылы хабар тарататын және жаңалықтар беретін қара­па­йым құралдармен жабдықталған кәсіпқойлы емес телеарна болып табылады. Өйткені, осындай техникалар мүмкіндігімен мұндай хабарларды жүргізу аз ғана бюджет есебінен мектеп оқушы­­лары­на да қолжетімді.

Аталған телеарнада тілшілер жүйесіне де қаражат жетіспейді. Сайтта кез келген бір оқиғаны түсірген адамның хабарын редак­цияға жолдау туралы шақырған ақпараттар өте көп. Мұндай амал­ды тек толыққанды тілшілер жүйесін ұстай алмайтын қулар ғана жүзеге асырады. Сондай-ақ, телеарна толыққанды өзінің материалдарын да қамтамасыз ете алмайды. Өйткені, телеарнада өзі­­нің студиясы да жоқ секілді. Себебі, жаңалықтар кезінде бейне түсірлім студияны білдіретін бөлмеден жүргізілгені байқа­ла­ды.

Алтыншыдан, телеарнаның бейне блоктары бір-біріне ұқсас­тығы бірден байқалады. Әрине, әлемде бейне блоктардың «телеарна» атынан берілетін мысалдары аз емес. Мәселен, бұған Gypsi TV & Radio цыған телеарнасы мен радиосы жатады. Бірақ, олар­дың деңгейі жоғары болмаса да, оларда бейне түсірлімдерді қыс­қаша болса да талдайтын мате­риал­дардың қоры бар. Бұл жағ­дайда К+ цыған телеарнасынан кем соғып жатқаны айдай ақиқат.

Жетіншіден, аталған К+ телеарнасы Әбіләзовпен тығыз байланысты. Ол тек белгілі екі қыл­мыс­кер Әбіләзов пен Әлиевті бел­сенді насихаттаумен ғана емес, ұры Қа­жыгелдинді де жаңа қы­ры­нан сипаттайды. Сонымен қатар, еске­ре­тін бір жайт, телеар­наның Мәскеу­дегі мекенжайы Студенттер кө­шесіндегі «Республика» га­­­зе­­тінің редакциясының мекенжайымен тура келеді. Ал бұл екі БАҚ (К+ телеарнасы мен «Республика») Ре­сейде ғана бұ­қа­ралық ақ­парат құралдары ре­тінде тіркелген.

Сонымен, қорытындылай келгенде нақты айтарымыз, аталған телеарна қызметі Әбіләзовтің үгіт-насихатын шындыққа айнал­дыруға ғана бағытталған секілді. Ал бірақ, егер бұл телеарна Қа­зақстандағы және Орталық Азия­дағы барлық болып жатқан оқи­ға­ларды тұтасымен көрсете алмаса, ол қалайша тәуелсіз болып саналады? Өйткені, онда жаңа­лық­тардың мұрағаты жоқ және қыз­меткерлері жасырын болса, не деуге болады?

К+ телеарнасы, нақты айтқан­да, телеарна емес, бар-жо­ғы әбі­лә­зовтік бейнеблок болып табылады. Алайда, оның қорлары мен қаржылары тәмамдала келгенде, бұл бейнеблок та тоқтайды деген сөз.