Президент Қасым-Жомарт Тоқаев Маңғыстаудағы сапары барысында «Мемлекетшілдік пен дәстүр сабақтастығы – елімізді өркендетудің басты кепілі. Онсыз тұрақтылық та, даму да болмайды», деп атап өтті. Бұл туралы Ақорданың туиттердегі парақшасы хабарлады.
«Ұлы дала демократиясынан бастау алатын әділеттілік принципі қатаң сақталуы тиіс. Оны жоғалтып алу адамзат үшін де, ұлт үшін де өзін-өзі жоғалтумен тең. Дана халқымыз айтқандай, «Әділет жолы – ауыр жол», бірақ біз үшін одан басқа жол жоқ. Әділеттілік – ауқымы кең ұғым. Бұл құндылық, ең алдымен, мемлекеттік саясатта басшылыққа алынуы қажет», деді Қ.Тоқаев.