Сенбі, 29 қыркүйек 2012 7:08
Көрші Өзбекстаннан атажұртымызға көшіп келгенімізге көп жылдың жүзі болды. Мақтаарал ауданы, Атакент ауылына қоныстандық. Біреуден кем, біреуден ілгері, әйтеуір, ел қатарлы тіршілік көшін жалғастырып келеміз. Жат жұртта қалып кетпей, Отанымызға оралуға жағдай жасаған Елбасымыз Н. Назарбаевтың саясатына мың алғыс. 2006 жылдың маусым айында азаматтық алып, осы елдің толыққанды бір мүшесі екенімізді сезініп, бақыттан басымыз айналды.
Сенбі, 29 қыркүйек 2012 7:08
Көрші Өзбекстаннан атажұртымызға көшіп келгенімізге көп жылдың жүзі болды. Мақтаарал ауданы, Атакент ауылына қоныстандық. Біреуден кем, біреуден ілгері, әйтеуір, ел қатарлы тіршілік көшін жалғастырып келеміз. Жат жұртта қалып кетпей, Отанымызға оралуға жағдай жасаған Елбасымыз Н. Назарбаевтың саясатына мың алғыс. 2006 жылдың маусым айында азаматтық алып, осы елдің толыққанды бір мүшесі екенімізді сезініп, бақыттан басымыз айналды.
Менің айтайын дегенім, қызым Жанар Тастанова Өзбекстанда туғанымен, бірінші сыныптан бастап №11 Мақтаарал орта мектебінде оқыды. Биыл сол мектепті бітіріп, ҰБТ-да 100 балл жинап, арнайы сертификат алды. Сөйтіп, Алматы қаласындағы С.Асфендияров атындағы Қазақ ұлттық медицина университетінің қоғамдық медицина бөліміне оқуға түсті. Қызымның аты-жөні «Егемен Қазақстан» газетінде жарияланған ҰБТ қорытындысында да жарық көрді. Әйтсе де үй-ішімізбен алақайлап, бөркімізді аспанға атқан осы қуанышты жағдайдың бір кілтипаны болып тұр.Қызым жеке куәлігін биылғы жылдың 19 наурызында алды. ҰБТ-ға да, одан кейін болған конкурсқа да осы жеке куәлігі бойынша қатысты. Бірақ, неге екені белгісіз, ҰБТ-ны өткізгендер құжатты қызымның туу туралы куәлігі бойынша толтырып, соның салдарынан Жанарды «Ауыл квотасына» емес, «Оралман квотасына» енгізіп жіберген. Мүмкін, оқырмандар «Жанар қай квота бойынша оқыса да бәрібір ғой, әйтеуір, жоғары білім алып шықса болды емес пе?» деп ойлайтын шығар. Бірақ, бүгінде осы қателіктің азабын біз тартып жүрміз. Университет басшылығы «Оралман квотасында білім алу үшін әке-шешеңнің біреуінде Өзбекстанның төлқұжаты болуы керек» деген талап қойып отыр. Ал жұбайымыз екеуміз Қазақстан Республикасының азаматтығын 2006 жылы алғанымызды жоғарыда айттым.Сонымен, «қызымыз грантпен оқуға түсті, енді жоғары білім алатын болды» деп қуанып жүргенде, оның аяғы осылай болды. Шынын айту керек, бұл жәйт жүрегімізге қаяу түсірді. Балы толмай, білімі жетпей қалса бір сәрі, біреулердің салғырттығынан құжаттан кеткен қатеден қызым қалайша далада қалады?! Осы мәселеге еліміздің Білім және ғылым министрлігі назар аударып, мәселені оң шешіп береді деген үмітім бар.Байзақ БЕГІМБЕТОВ.Оңтүстік Қазақстан облысы, Мақтаарал ауданы.