Ол бір жұмбақ

Жұма, 12 қазан 2012 7:03

Бұл ғақлияны Аристотель де айтқан жоқ, Конфуцийдің кітабы­нан да оқыған жоқпын. Мұны айт­қан ауылдың қарапайым қариясы.Әңгіме адамгершілік тақыры­бына ойысқан. Малдас құрған мәс­лихатшылар әрбір сауапты іс­тің қайырымы болады деген белгілі түйінге тірелетін тәмсілге көш­кенде әлгі қария:– Егер қайыр тілеп отырған міс­кінді көрсең, мүсіркеуші болма, – дегені.«Мәслихатшы» атанып, мәмі­ле­ге араласқанымен, барлығы бірдей философ емес қой. Солардың бірі:– Неге? – деп жалт қарады.

Жұма, 12 қазан 2012 7:03

Бұл ғақлияны Аристотель де айтқан жоқ, Конфуцийдің кітабы­нан да оқыған жоқпын. Мұны айт­қан ауылдың қарапайым қариясы.Әңгіме адамгершілік тақыры­бына ойысқан. Малдас құрған мәс­лихатшылар әрбір сауапты іс­тің қайырымы болады деген белгілі түйінге тірелетін тәмсілге көш­кенде әлгі қария:– Егер қайыр тілеп отырған міс­кінді көрсең, мүсіркеуші болма, – дегені.«Мәслихатшы» атанып, мәмі­ле­ге араласқанымен, барлығы бірдей философ емес қой. Солардың бірі:– Неге? – деп жалт қарады.

Екіншісі:– Сонда не істеу керек? – деп қабағын түйді.Көзқарастарында «аш адамға балық бергенше, балық ұстауды үйрет» деген белгілі ұлағатқа тән бір әңгімені бастайтын шығар деген сұрау бар.– Басынан бір теп те, өтіп кет.Мәслихатшылар «мынау не айтып отыр өзі» дегендей бір-бі­рі­не таңдана мойын бұрды. Шал бол­са «ал сендерге тәлім-тәр­бие­нің көкесі керек болса» дегендей түйіле түскен.– Оу, ағасы, осыны да сөз деп айтып отырсыз ба?– «Мүсәпір көрсең жақсылық жаса» деген өткеннен келе жатқан өсиетті қайтеміз?– Қайыршының не жазығы бар?Сол кезде қиқар шал:– Ол бір жұмбақ, – деді де орнынан түрегелді.Суықтан қатып қалған жылан­ды қойнына тығып жылытам деп ажал құшқан аңғал туралы мы­сал­ды білуші ем. Малдас құрғандар шал­ға не дерін білмей отырып қал­ған кезде сол оқиға есіме сап ете түсті. Өйткені, сен де улы жы­лан­ға жақсылық жасаған адам сияқ­ты жолыңды тосқан мүсә­пір­дің жат пиғылынан бейхабарсың. Бәдауи тірлікті бүркенген жан кім – ұры ма, қарақшы ма, алаяқ па, сатқын ба?!. Тіпті, жеті жұрттың тілін білетін оқымысты, он сау­сағынан өнері тамған шебер немесе замандастарынан атағы озған кә­сіпкер бола қойсын, бірақ қарны тойып, аузы майланған күні жа­са­ған жақсылығыңды ұмытып, ба­сың­нан бір тепсе қайтпексің? Бақ­сақ, бұл адамзат баласы әлі күнге дейін шешуін таба алмай жүрген жұмбақтардың бірінен екен.Ел байлығын миллиардтап ұр­лап, шетел асқан бұрынғы банкирлер мен мемлекеттік қызметшілер, мәжілісмендер туралы алуан-  алуан ақпараттарды оқи бастасам бол­ды, ауылдың баяғыда өткен айтқыш шалының «қиссасы» нені меңзегенін түсіне бастағандай боламын.Көсемәлі СӘТТІБАЙҰЛЫ,«Егемен Қазақстан».ТАРАЗ.