Ал сайлаудың мерзімінен бұрын өткізілуіне ішкі және сыртқы саяси, экономикалық жайлылық, тұрақтылық әсер еткені анық. Қазір біз Қазақстан экономикасының 2014, 2017 жылдардағы шикізат бағасының төмендеуінен, энергия көздері құнының құбылуынан туындаған дағдарысты еңсеріп, тұрақталғандығын көріп отырмыз. Бұл өз кезегінде экономикалық даму тұрғысынан елдің ілгері серпілуіне жол ашады. Ал 2020 жылы жағдайдың қалай боларына жорамал жасау қиын.
Сондықтан да сайлауды мерзімінен бұрын өткізу – стратегиялық ілкімді қадам. Ал Nur Otan партиясы тарапынан додаға қосылған Қасым-Жомарт Тоқаев – білікті басқарушы, халықаралық дәрежедегі кәнігі дипломат ретінде танылған тұлға.
Өмір жолында атын кір шалмаған мұндай тұлғаның президенттік лауазымға ұсынылуы қисынға келетін және ақылмен келісілген шешім болды деп есептеймін.
Осы орайда Қазақстанның Тұңғыш Президенті Нұрсұлтан Назарбаевтың қазіргі Қазақстанның негізін қалаушысы ретінде елдің әрі қарайғы стратегиялық дамуына жол салып, өте парасаттылық пен даналықтың үлгісін көрсеткендігі ерекше айтып өтуге тұрарлық.
Арсений СИВИЦКИЙ,
Стратегиялық және сыртқы саяси зерттеулер орталығының директоры, (Беларусь, Минск)