«Қазақстан – Ұлы Дала Елі» жаңа мобильді қосымшасын ҚР Сыртқы істер министрлігі ұсынды, деп хабарлайды елорда әкімдігінің ресми сайты.
«Қазақстан – Ұлы Дала Елі» қосымшасы – география, тарих, мәдениет, экономика, туризм және халықаралық қатынастар сияқты кең ауқымды тақырыптарды қамтитын Қазақстан жайлы ықшам энциклопедия.
Жүздеген бірегей фотосуреттер, бейнеклиптер, 3D-нысандар, панорамалар, инфографикалар, интерактивті карталар және басқа да пайдалы ақпарат қазақ, орыс, ағылшын және қытай тілдерінде ұсынылған.
Қосымша Қазақстанға туристік немесе іскерлік мақсатпен келуді жоспарлайтын шет ел азаматтары үшін, сондай-ақ туристер, студенттер, зерттеушілер, журналистер және бизнесмендер үшін таптырмайтын құрал болмақ.