– Қазақстандағы кезектен тыс Президент сайлауы демократиялы түрде, әділ өтті деп толық сеніммен айта аламын. Бұл жетістігімен бауырлас мемлекетті құттықтаймын.
Сайлау – мемлекеттің тәуелсіздігі секілді аса маңызды шара. Қазақстан Республикасының тағы бір жаңа парағы ашылды. Ширек ғасырда адам баласының өзі жете бермейтін саясат, экономика тұрғысынан үлкен жетістіктерді бағындырды, экономикалық әлеуеті айтарлықтай жақсарды. Мұның барлығы аса құрметті Нұрсұлтан Назарбаевтың арқасында деп ойлаймын. Тұңғыш Президент Мемлекет басшысы лауазымынан кетсе де мемлекет құрушы көшбасшы ретінде қала бермек.
Жаңа сайланған Президент Қасым-Жомарт Тоқаевты сайлаудағы жеңісімен құттықтаймын. Барлығымыз оны тәжірибелі саясаткер, мемлекет адамы ретінде танимыз. Қазақстанның одан әрі өсіп-өркендеген дамыған мемлекет болатынына сенемін.
Тәуелсіз байқаушы ретінде айтарым, Қазақстандағы сайлау мәдениеті мен шараның өткізілуі басқа мемлекеттер үшін үлгі бола алады. Әрине, Түркияның демократиялық тарихы Қазақстанға қарағанда өте ерте заманда басталған. Бұған қарамастан, Қазақстаннан да үйренеріміз көп. Бірнеше сайлау учаскесінде болдық, дауыстарды санауға қатыстық. Әр учаскеде 1-2 сағаттан болдық. Ол жерде партия атынан келген байқаушыларды да кездестірдік. Барлығы заң аясында болды, құқық бұзушылық орын алған жоқ.
Хасан КАНБОЛАТ,
Анкара саясат орталығының директоры