Мәскеуде таэквондодан Гран-при турнирі өтіп, онда қазақстандық спортшылар 2 күміс, 4 қола медаль жеңіп алды.
Әлем мықтылары бас қосқан айтулы сында Ақсәуле Ерқасымова (62 кило) мен Руслан Жапаров (+87 кило) финалға шыққанымен, алтын медаль сарапқа салынған тұста екі спортшымыз да ресейлік қарсыластарына есе жіберді.
Гран-придің қола жүлдесін Самат Темірхан (54 кило), Айтуар Шәйкенов (58 кило), Меруерт Тікебаева (+73 кило), Дүйсебай Смайыл (+87 кило) иеленді.
Дайындаған Алмас МАНАП,
«Egemen Qazaqstan»