АҚШ-тың Атлантик Сити қаласында өткен кәсіпқой бокс кешінде жартылай орта салмақтағы қазақстандық Бақтияр Эюбов өзінің 17 жекпе-жегін өткізді.
Осыған дейін 14 рет (12 нокаут) ұтып, бір рет ұтылып, тағы бір рет тең түскен жерлесіміз бұл жолы америкалық Джарон Энниспен күш сынасты. Ол өте мықты боксшы. АҚШ-тың өкілі бұл күнге дейін 24 рет шаршы алаңға көтеріліп, барлық қарсыласынан басым түскен еді. 22 бәсекені мерзімінен бұрын аяқтады.
Бұл бәсекеде Джарон Эннистің басымдығы бірден байқалды. Бірінші раундта-ақ ол қарсыласын екі рет есеңгіретті. Бақтияр намысқа тырысқанымен, америкалық оны ауыр соққылардың астына алды. Төртінші раундта төреші жекпе-жекті тоқтатуға мәжбүр болды.