Биатлоннан Германияның Оберхофф қаласында өтіп жатқан Әлем кубогының төртінші кезеңінде Қазақстан ерлер командасы эстафетадан 17-ші орын иеленді, деп хабарлады ҰОК баспасөз қызметі.
Эстафетаға жалпы есебі 26 команда қатысты. Қазақстан атынан Антон Пантов, Роман Еремин, Владислав Витенко және Тимур Куц жарыс жолына шыққан болатын. Тартысты бәсекеде қазақстандықтар 17-ші орын иеленді. Сондай-ақ Әлем кубогы рейтингінде Қазақстан командасы екі орынға жоғарылап, 21-ші сатыға тұрақтады.
Ерлер арасындағы эстафетада Норвегия топ жарса, Франция күміс, Германия спортшылары қола жүлдегер атанды. Ал әйелдер командасы арасындағы эстафетада Қазақстан командасы 19-шы орыннан көрінді.