Алматыда ұлы ғалым, философ, ойшыл Әбу Насыр әл-Фарабидің 1150 жылдығын мерекелеу ресми түрде басталды. Бұл туралы Мәдениет және спорт министрлігінің баспасөз қызметі хабарлады.
Мемлекеттік хатшысы Қырымбек Көшербаев Әл-Фараби атындағы Қазақ ұлттық университетінің Студенттер сарайында өткен шарада Әбу Насыр әл-Фарабидің 1150 жылдығын мерекелеу ресми түрде басталғанын айтты.
Салтанатты шараға Мәдениет және спорт министрі Ақтоты Райымқұлова да қатысты.
Айта кетейік, бүгін Алматыдағы Қазақ ұлттық университетінде «Әбу Насыр әл-Фараби атындағы орталық» салтанатты түрде ашылды.