Алматыда өткен «Absolute Championship Akhmat 105» турнирінде қазақстандық Арман Оспанов ресейлік Расул Мирзаевты нокаутпен жеңді.
Бірінші раундтың ортаң беліне келгенде-ақ Арман Оспанов қарсыласын нокаутқа жіберді. Оспановтың жойқын соққыларынан кейін төреші жекпе-жекті тоқтатуға мәжбүр болды.
Айта кетейік, бұл Арман Оспановтың спорттық мансабындағы оныншы жеңісі. Ал ресейлік Расул Мирзаев спорттық мансабында 18 рет жеңіске жетіп, үш рет жеңіліс тапқан.