Қарағанды жастары Волонтер жылы аясында Nur Otan партиясының және Қарағанды облысы әкімдігінің, «Saryarqa jastary» облыстық волонтерлер штабының ұйымдастыруымен өтіп жатқан «BIZ BIRGEMIZ» әлеуметтік көмек көрсету акциясына жұмылды.
«Шараның мақсаты – жас ұрпақтың бойына адамгершілік, ізгілік, қамқорлық, қайырымдылық сияқты асыл қасиеттерді дарыту, әлеуметтік тұрғыдан аз қамтылған қоғам бөлігіне көмек қолын созу, қиын-қыстау кезеңде де адамдық пен адалдық, мейірімділік пен ізгілікті насихаттау», дейді ұйымдастырушылар.
Аталмыш көмек әлеуметтік жағдайы төмен, көпбалалы отбасыларға, қарттарға, соғыс ардагерлеріне, мүмкіндігі шектеулі жандарға көрсетіледі. Сондай-ақ акция аясында волонтерлер азық-түлік таратумен шектеліп қоймай, қарттарға дәрі-дәрмек, тұрмыстық қажеттіліктерін жеткізуге дайын.